تحلية كرام ديسار ولا أروع لسهرة رمضان
المقادير :
- علبة شوكولا بذوق الحليب .
- 3 كيسان حليب بارد .
- 3 ملاعق كبار مايزينة .
- 3 ملاعق كبار سكر .
- 3 علب ياؤورت شوكو تع 10 دج .
- 2 ملاعق كبار كاكاو بني بذوق الشوكولاته .
طريقة التحضير :🥰
في كسرونة ندير 3 كيسان حليب مع سكر و كاكاو , مايزينة و نخلط مليح مكونات حتا يتجانسو مع بعض نديرهم فوق نار حتا يتقال الخليط التاعي نحيه من الفرن و نضيف عليه ملعقة صغيرة زبدة و نخلط مليح تم نضيف عليهم علبة شوكولا و نخلط حتا ذوب مليح تم نضيف عليها 3 علب ياؤورت صغيرة و نخلط مليح مكونات تم نجيب القوالب تاعي او نعمرهم هاد الكمية دارتلي 5 قوالب معمرين نخليهم حتا يبردو.
التزيين اختياري 🥰
طلعت نص كاس بودرة الشونتيي مع نص كاس ماء بارد و طلعتهم مليح بلباتورو دراهم فلابوش او زينت بيهم او بصحتكم 😍
ملاحظة :
- تقدري ديري ياؤورت دانات ولا لي عندك لمهم بذوق الشوكولاته 🥰
- الكاكاو يكون بذوق الشوكولاته باش مايجيش مر .
- خليها ساعة فثلاجة او قدميها و بصحة و الراحة 😍
لا تقرأ عزيزتي و تذهبي اتركي تعليق تصلين فيه على النبي و متابعة لتصلكم جديد الوصفات الرمضانية - رمضان 2022 رمضان كريم . Ramadan 2022 🌜🤲🌔🍳
ليست هناك تعليقات:
إرسال تعليق